السياحة في جورجيا

السفر إلى جورجيا

إستمتعوا معنا السياحة في جورجيا، المناطق السياحية في جورجيا، فنادق جورجيا، السفر إلى جورجيا ومطاعم جورجيا. لتخطيط أفضل رحلات جورجيا. مع جورجيا ترافيلز  للسياحة وسفر

ميلة من حيث الطبيعة متمثلة في جبال القوقاز اللي تقريباً شفتها في أربع مدن زرتهم في جورجيا وبلد صغيرة كمساحة فتقدر تزور اكتر من مدينة فيها بسهولة وعدد سكانها قليل حوالي ثلاثة مليون ونصف فهتستمتع بالهدوء اللي احنا مش بنحس بيه في مصر.

اجمل حاجة في جورجيا ان شعبها من اطيب الشعوب اللي شفتها، وبيحبوا بلدهم جداً وهتلاقيهم بيعرضوا عليك انهم يخدوك اجمل الاماكن في بلدهم وينصحوك دائماً ايه الاماكن الجميلة اللي تقدر تزورها وايه احسن وارخص الاماكن اللي تقدر تاكل فيها، انا حابب القصة دي تكون مفيدة فهعرض تفاصيل السفر بالكامل خطوة بخطوة.

فيزا جورجيا

بالنسبة للفيزا فهي سهلة جداً، بتحضر باسبورك وصورتين وكشف حساب بنكي يكون فيه حوالي ١٠ الاف جنيه وحجز طيران وفندق مبدئي. المفاجئة اني لما رحت السفارة معايا جواب من الشغل قالولي مش محتاجينه! ومليت الابليكيشن ودفعت ٢٠ دولار بس ثمن الفيزا وبعد خمسة ايام استلمت الفيزا

تذكرة الطيران

حجزت طيران علي فلاي دبي بحوالي ٣،٦٠٠ جنيه وبعد ما حجزت لقيت طيران مباشر من شرم الشيخ بحوالي ٣٠٠٠ جنيه علي خطوط طيران اسمها اير كايرو

الإقامة والأسعار

اجرت استوديو في تبليسي العاصمة ب ١٨$ في اليوم واستوديو تاني في المدينة الرابعة اللي زرتها باتومي ب ١٦$ في اليوم. المواصلات رخيصة هناك جداً والاكل رخيص جداً، كل حاجة سعرها رخيص في البلد دي بصراحة!

شعب جورجيا

انا بحب دايماً لما ازور اي دولة استخدم Couchsurfing عشان اقابل أهل البلد واقدر افهم الناس دول حياتهم عاملة ازاي واتعرف علي مسافرين من دول تانية واسمع قصص عن السفر واسلوب الحياة في كل دولة بسافر ليها. احلي حاجة في الجورجيين انهم شبهنا، دمهم خفيف وناس كريمة جداً ومش باردين تماماً بالعكس هما warm hearted وبيعشقوا الحضارة الفرعونية والاهرامات وابو الهول.

المهم في 7 أيام سافرت لأربع مدن، تبليسي العاصمة ومتسخيتا وجوري وباتومي. تبليسي مدينة جميلة خصوصاً بليل، الاضواء الموجودة علي كل مبني بتخلي المدينة في منتهي الجمال كل يوم بليل. الجميل كمان في جورجيا ان فن العمارة هناك بيخليك تحس انك ركبت آلة الزمن وزرت اوروبا في العصور الوسطى، المباني والكنائس القديمة شكلها جميل ومميز جداً.

متسخيتا وباتومي اكتر مدينتين عجبوني، الاولي لانها مدينة متحاوطة بجبال القوقاز ونهر ومدينة صغيرة وعدد سكانها سبعة الاف شخص بس! فانت هترجع من المدينة حاسس بسلام داخلي رهيب.

والمدينة التانية باتومي مدينة ساحلية فيها احلي شواطئ علي البحر الاسود، مدينة عدد سكانها قليل وفي منتهي الجمال في الليل واهلها طيبين اوي، ولو زرتها في الصيف هتنبهر بالشواطئ هناك وبالبحيرات الموجودة حوالين المدينة.

البلد في منتهي الجمال فيها جمال وراحة ممتازة للتامل

.

 

جورجيا ترافيلز للسياحة فى جورجيا واذربيجان

Comments

اترك تعليقاً